Google+ Badge

Minggu, 07 November 2010

“MARI NAKE YESUS ENGO REH”

“MARI NAKE YESUS ENGO REH”
Josep A. Sembiring

Bena Kata
            Bulan enda I gelari bulan Natal: amin gia terjadi kontrofersi tentang tanggal, bulan ras tahun ketubuhen Tuhanta Yesus Kristus. Tapi bagi warga jemaat GBKP enda labo jadi sada alasen l erbahan natal, alu dem kiniteken kita ngaku abo tanggal ras bulan siterpentingna, tapi uga kerna kita mempersiapken diri ibas kerehen Juruselamatta enda. Ma enggo sikap krina ?

Persiapen menyambut Yesus !
            Aminpe la I idah kami kerna persiapenta erban natal tahun enda, tapi tek kami kita kerina enggo erbahan persiapen si matang, misalna:pembentuken panitia natal, memnjari babi man gulen natal, latihen koor, nukur baju seragam, ngecet gereja, ras melala persiapenta si deban.
            Persiapen si iban kita enda enggo mejile, tapi si jadi masalah persiapenta enda terjeng fisikna denga siteridah lenga teridah ku persiapen secara rohani (kesiapen ukurta) ibas menyambut kerehen Tuhan Yesus.

Menyambut alu meneladani !
            Cara kerehen Yesus ku tengah-tengah ta enda situhuna mereken gambaren kerna tujunNa reh nandangi manusia. Tuhan Yesus reh labo I sambut sada pesta si mehaganakal ija ibas pesta e rehen kaak-kaak penting si berpengaruh ibas paksa e. Tapi ia reh ibas ingan si la layak ras isambut au pesta si sangat sederhana, eme : bapa-Na Jususf, nande-Na Maria, para gembala, kalak majus, malaikat ras domba-domba si lit ije (Luk. 2:8-20; Mat. 2:1-12). Gembala si reh enda lait rumahna ras sebagai manusia si la “ianggap”. Gembala enda sekalak suruh-suruhen si tutus, aminpe domba e la ia mpunana tapi ia ngit ngasamken kesahna nandangi biri-biri si ijagana. Si peduaken sir eh eme guru-guru itimur nari. Guru-guru enda ngidah sada kemuliaan si bakal reh. Ahli-ahli Taurat itehna Mesias bakal reh tapina la ia tek nandangi kai si ibacana, tapi kalak majus enda arah ngidah bintang saja ia tek ras rela erdaan itimurnari erdalan guna ndarami Jesus.
            Jesus reh alu sada kesederhanaan, emaka selaku kalak Kristen kitape harus mempersiapken diri bali bagi pereh Tuhan Yesus ku doni enda, eme:
  1. Mpersiapken Ukurta
Kebiasaanta sedekah enda eme mempersiapken diri erbahan kegiaten si meriahna kel sehingga makna natal e sendiri ngo anai si gejapken. Misalna kita sebagai panitia natal, ateta ndai arah kita sebagai panitia kita ndatken sada makna, tapina sidatke eme kritiken perban gulen natal e masinsa, perban panitia la memberiken kesempaten nandangi anak KA-KR mempersembahken puji-pujin ku lebe kerna waktu lanai bias ras sidebanna.
Mempersiapken kerehen Tuhan Yesus, labo arah uga sibukna kita jadi panitia, tapi alu uga pusuhta ngo sikap kerna ngalo-ngalo kerehen-Na. Persiapen pusuh  berarti menyiapken ingan ibas usuhta guna Dibata banci mengendaliken kerina kecila geluhta. Persiapen pusuh/ukur enda emekap pengosongan diri arah ukur-ukur si deban si erbahanca lanai lit ingan Dibata ringan ibas pusuhta, misalna ukurta gulut, ukurta serbut, ukurta si ACC (anceng, cian, cikurak) nandangi temanta si deban, ukurta si mementingken bisnista, ras sidebanna.
Ngalo ngaokerehen Tuhannta Yesus Kristus membutuhken sada kesiapen si totalitas. Makna natal e banci si gejapkan asina ukrta ngo sikap ngalo-ngalo kerehen Tuhanta e.
  1. Mpersiapken si sederhana
Sada contoh ersiapen si la sederhan eme, biasana adi kita ernatal tentuna menempa baju seragam. Lit piga piga kali I idah kami, baju seragam e terjeng natal ngenca ipakekan. Adi nata e ngo lepas, makabaju e ilemariken saja lanai ipake. Tentuna enda sada contoh si la mehuli.
Bagi si enggo sibahas I datas, Tuhan Yesus e reh alu kesederhanaen. Ia tubuh ibas kandang domba, ingan  medemna pelangkah, Iape isambut alu kesederhanaen gembala ras guru-guru itimur nari. Ijenda igambarken kerna ndahi Dibata labo kita membutuhken herta si melala ras erndilap-ndilap, labo arah sada pesta si menghabisken dana 1 milyar. Persiapne si sederhana si lamengurangi makna natal,persiapensi serius, ras lit motifasi si benar. Endame si I harapken Dibata ibas menyambut Ia.
  1. Ermakna man kalak si deban
Lit piga-piga isu singatakenca makana natal eme acara guna engkri-keriken sen ibas akhir tahun gereja, enda acara pesta pora dibalik nama agamawi. Memang enda labo 100% benar tapi sibahanlah kritiken enda guna menginstrofeksi kegiaten natalta. Apakah kegiaten natal si ibnkita e banci jadi berita simehuli nandangi kalak sideban si lit I sekitar kita ? atau malah nambahi beban man kalak si seban ?
Tuhan Yesus reh labo man kade-kadena, man bangsana saja tapi kerina kalak la terkecuali. Ibas paksa e kerina kalak sangana erbagan pesta tapi gembla-gembala I padang la menikamte pesta e. Gembala enda manusia si tersisih, pai nandangi kalak sibagenda berita kerna kerehen Tuhan Yesus e seh labo man kalak si berpengaruh. Guru-guru itimur naripe lalasam kapna amin pe latih iakapna I timur nari. Kerina kalak si ngidah Yesus merasa terhidur. Bagendame makna natal situhuna si banci membangun kinitekenta ras kalak sideban.
Mari nake Tuhan Yesus engo reh, sisikapkn inganna ibas pusuhta gelah ia ringan ras berotoritas ibas pusuhta. Mari nake Tuhan Yesus enggo reh, bali bagi Yesus bermakna nandangi kalak sideban sibahanlah natal end ape bermakna nandangi krina jelma. Slamat Natal !

Tidak ada komentar:

Posting Komentar